ភ្នំពេញ៖ កាលពីថ្មឺៗនេះមានផេកហ្វេសប៊ុកឈ្មោះ «អនុរក្ស, កាមទេពលឹមហុង Ly Paoher» និងគណនីហ្វេសប៊ុកមួយចំនួនទៀតបានផ្សព្វផ្សាយអំពីករណីចាប់ក្មេងដើម្បីវះយកក្រលៀនជាច្រើននាក់។ ជុំវិញករណីនេះ នាយកដ្ឋានប្រឆាំងបទល្មើសបច្ចេកវិទ្យាបានបំភ្លឺថា ការផ្សព្វផ្សាយនេះមិនមែនជាព័ត៌មានពិតប្រាកដឡើយ ពោលជារឿងដែលក្រុមបក្សប្រឆាំងរាជរដ្ឋាភិបាលប្រឌិតឡើងតែប៉ុណ្ណោះ។

នាយកដ្ឋានប្រឆាំងបទល្មើសបច្ចេកវិទ្យា បានអះអាងថាពុំមានករណីនេះកើតឡើងឡើយ បន្ទាប់ពីនាយកដ្ឋានបានចាត់មន្រ្តីជំនាញធ្វើការស្រាវជ្រាវបន្ទាន់ ដោយលទ្ធផលកំណត់បានថាព័ត៌មានទាំងនេះ ជាព័ត៌មានក្លែងក្លាយ ដែលបង្កើតឡើងដោយក្រុមដែលមាននិន្នាការប្រឆាំងនឹងរាជរដ្ឋាភិបាលស្របច្បាប់។

នាយកដ្ឋានប្រឆាំងបទល្មើសបច្ចេកវិទ្យា បច្ចុប្បន្នកំពុងប្រមូលភស្ថុតាងដើម្បីអនុវត្តនិតិវិធីច្បាប់។ នាយកដ្ឋានអំពាវនាវពលរដ្ឋកុំបន្តចែកចាយព័ត៌មានក្លែងក្លាយខាងលើនេះ ដើម្បីចៀសវាងបង្កការយល់ច្រឡំ ឬបង្កអសន្តិសុខសង្គមផ្សេងៗ៕